Mshauri wa usalama wa Taifa wa Marekani azuru Israel

Yamefanyika katika wakati afisa wa ngazi ya juu wa utawala wa Marekani anafanya ziara nchini Israel kwa mazungumzo na Waziri Mkuu Benjamin Netanyahu. Mashambulizi makali yameripotiwa kwenye eneo la Jabalia ambako kuna kambi kubwa ya wakimbizi wa Kipalestina.

Mapema hii leo, Jake Sullivan, Mshauri wa Usalama wa Taifa wa Marekani alikutana na Netanyahu akilenga kufikisha ujumbe wa Washington wa kuitaka Israel kutotumia nguvu kubwa kwenye oparesheni yake ya mji wa kusini mwa Gaza wa Rafah.

Vikosi vya Israel vimekuwa vikisonga mbele kwenye mji huo ambao inasema ndiyo ngome ya mwisho ya wanamgambo wa Hamas.

Jumuiya ya kimataifa imeionya mara kadhaa Israel kutoushambulia kwa sababu mji huo unawahifadhi mamia kwa maelfu ya Wapalestina waliokimbia vita maeneo mengine ya Gaza.