1. Прескокни до содржината
  2. Прескокни до главната навигација
  3. Кон други страници на DW

Авионските компании ги стопираа летовите кон Израел

АТ/ дпа/ртр/афп23 јули 2014

Од безбедносни причини американските и други меѓународни авиокомпании не летаат кон меѓународниот аеродром во Тел Авив. Одлуката не била политички мотивирана, уверуваше министерот за надворешни работи на САД Џон Кери.

https://p.dw.com/p/1Cgur
Фотографија: Reuters

Меѓународниот патнички воздушен сообраќај кон Израел е во голема мерка ограничен. Голем број меѓународни авионски компании, меѓу кои и германските „Луфханза“ и „Ер Берлин“ ги откажаа сите летови кон аеродромот Бен Гурион во Тел Авив, откако американските воздухопловни власти воведоа 24 часовна забрана за летање меѓу САД и Израел.

Оваа одлуката била воведан единствено за заштита на американските граѓани и авиокомпании, го уверувал американскиот министер за надворешни работи Џон Кери изралескиот премиер Бенјамин Нетанјаху во телефонски разговор, се вели од американското министерство за надворешни работи.

Европската агенција за безбедност во авионскиот сообраќај (EASA) издаде препорака да не се лета кон аеродромот Бен Гурион.

Претходно радикално-исламистичкиот Хамас истрела ракета кон Тел Авив, која падна во близина на аеродромот.

Јордан во меѓувреме во Советот за безбедност на ОН поднесе предлог резолуција за конфликтот во Газа, со која се бара „итно положување на оружјето“. Во текстот се бара и заштита на цивилите и укинување на блокадата за Појасот Газа.

Високиот комесар за човекови права на Обединетите нации Нави Пилај се заложи за меѓународна истрага за евентуални воени злосторсва во блиско-источниот конфликт.