Nahiyar Asiya da Iftila'in sauyin yanayi

Rahoton na Majalisar Dinkin Duniya ya ce nahiyar Asiya ce ta fi fuskanta iftila'in sauyin yanayin da ya haifar da ambaliyar ruwa da ta yi sanadiyar mace mace da hasara mai yawa na tattalin arziki.

Rahoton wanda aka yi wa lakabi da yanayin sauyin yanayi a Asia a 2023 da kungiyar kula da yanayi ta duniya ta fitar a yau talata ya ce ta'azzarar wasu muhimman lamuran muhalli suna da tasiri ga rayuwar al'umma da tattalin arziki da kuma tsarin zamantakewar hallitu da tsirai.