Deutsche Forschungsgemeinschaft

Fondacioni Gjerman për Kërkime Shkencore (DFG) është më i madhi ndër institucione të tilla në Evropë. Ai ofron programe të shumta për të mbështetur shkencëtarë nga e gjithë bota. Falë mbështetjes së qeverisë gjermane, të landeve dhe Bashkimit të Fondacioneve Gjermane të Shkencës ky fondacion vë në dispozicion të kërkimeve shkencore rreth dy miliardë euro në vit.

Kriteret e aplikimit

Për të kërkuar sponsorizim prej këtij fondacioni duhet të kesh titullin doktor i shkencave dhe të punosh pranë një instituti kërkimor gjerman. Kombësia e studiuesve nuk ka rëndësi.

Fondacioni Gjerman për Kërkime Shkencore (DFG) mbështet prej disa vitesh edhe disa universitete, që konsiderohen si qendra ekselence. Deri tani këtë titull e marrë nëntë universitete gjermane. Po ashtu Fondacioni Gjerman për Kërkime Shkencore (DFG) mbështet edhe 40 grupe studimore pasuniversitare si dhe 37 rrjete studimore.

Projektet shkencore

Fondacioni Gjerman për Kërkime Shkencore (DFG) mbështet disa mijëra projekte shkencore në vit. Përzgjedhja e tyre bëhet përmes konkursit.

Po ashtu Fondacioni Gjerman për Kërkime Shkencore (DFG) mbështet edhe grupe studiuesish nëpër universitete që punojnë nëpër projekte ndërdisiplinare. Momentalisht DFG mbështet 250 të tilla.

Autorë: A.Himmelrath / C.Unseld
Redaktoi: P.Pani